🌺क्रां काळी मां काळिका🌺

क्रां काळी मां काळिका, गळ नर मुंडां माळ।
बाळक नें मत बीसरै, रहजै थूं रखवाळ॥1

काळी खपराळी कथी, खेंगाळी खळ खाण।
क्रां क्रीं क्रूं बीजाक्षरी, माता बसै मसाण॥2

क्रां काळी विकराळ मुख, खळां खपावण वाळ।
लप लप लपकारा करै, जीभ अगन री ज्वाळ॥3

मन निरमळ माता करूं, नीरव जियां मसाण।
उठे बिराजौ आय मां, करवा मम कल्याण॥4

मन रे बसो मसाण, क्रां क्रीं क्रूं मां काळिका,
बीज मंत्र री बाण, सदा बहै ज्यूं सुरसती॥5

Leave a Reply

Your email address will not be published. Required fields are marked *