Month: March 2016

राजस्थान रै साहित्यिक इतिहास में कविवर आसाजी / आसाणंदजी बारठ रो नाम जितरो चावो उतरो ई आदरणीय। सत्य वक्ता, निर्लोभी, मित्र धर्म पाल़णिया, घण जोड़ा अर चारणाचार सूं मंडित आसोजी समूल़ी राजपूत रियासतां में मोटो नाम। भाद्रेस रा बारठ दीताजी रै घरै कवि रो जनम होयो अर नाथूसर कवि री कर्मस्थल़ी – दीतावत मालुम दुनी सो जाणै संसार। नाथूसर मथुरा नगर आसो हरि अवतार।। कोटड़ै रा राठौड़ वाघोजी कोटड़ियो उणां रा मन रा मीत ।एकै दांत रोटी तूटै।वाघैजी नैं राव मालदेव डावड़ी भारमली दीनी।रूप री रंभा अर लावण्य री मूर्ति। रावजी रो मन भारमली रै बिनां लागै नीं।उणां आसैजी नैं […]